إنت مش مجرد علم . إنت رمز لعزة وطن . وليك معانا فى التاريخ حكايات . فيها أفراح كتير كتير . وكمان دموع وأهات . وفى القلوب كمان علامات . رفعوك بيها صبيان كمان وبنات . وبيك المغرمين كتير . فى الرايحه والجايات . كلهم رجال كبار . وكمان أمهات حنونات . وتحت حبات المطر . قطعوا بيك مسافات . وفى الهجير حضنوك بالابتسمات . لانك غالى عندنا كتير . يا أحلى وأروع الرايات . وحتى لما بنحزن . حزننا عليك بيبان . وفى الفرح بتبتسم بالالوان . وربى يحفظك لينا . ترفرف فى وادينا . كما جناح اليمام . وبهديك سلام من عرابى . بطل مصر الهمام . وعبد الناصر كمان . ومن أم كل شهيد . بتهديك تحيه كمان . ومن جيشنا الوفى . ليك ألف تريليون سلام . وشرطة مصر وجيشها نزفوا علشانك دماء . وفلاحين مصر جنوب وشمال . رفعوك كمان فى غيطان . ده مش كلام يا علمنا . دى فعلا حقيقه تمام . وبدو سينا ياما عملوا ليك بطولات . والنوبه ياما كتبت فيك روايات . وهى دى مصر يا علمنا . ليها معاك بطولات . أصلك إنت مش مجرد علم . إنت رمز لعزة وطن . وليك معانا فى التاريخ حكايات حكايات حكايات
Comments
Post a Comment
يمنع نشر التعليقات ذات الروابط الدعائية أو تعليقات بإسلوب غير لائق أو التى تحتوى على معلومات شخصية كالبريد الإلكترونى
أعتذر عن الرد على طلبات التوزيع لضيق الوقت أو التبادل الإعلانى
لتصلك إشعارات ردود هذا الموضوع على البريد الإلكترونى أضف علامة بالمربع بجوار كلمة "إعلامى"